Popular Bible Verses from Mak 14

Share

Kei viteni vit, “Tata onak eli. Kokilea kovoumon tounah vas. Konoumontei li nau nanalong mahien. Ka kirmumontei hesuval koa inau ek vati. Kumonis hesuval koa keik em vati.”

!Kamitel, telmea! !Telhis keke mithermottei navong sakvisien keil hemai en kamitel. En tinomi, emi vati mivoumon asa koa mal, ka avemi memerau enges.”

Anatin eli naviteni min kami, en out vasi netan koa ihitehiten more longlongien usil inau, ihiteni mun asa koa ahin enek mumoni minau. Ka hesakin meatin sav keil emun indem silat kei.”

Ka viteni min keitel vit, “Demkoen vil en tinok, vit vahonet inau. Mitheto ekok, mithele hetal minau.”

Navong amul akanian, Iesu kur veret ka san masmasien veni. Evus, vul vahasi ka riti min meatin keil onen ka viteni min keil vit, “Mihekuri miheani. Koanik vi avek.”

Evus, Iesu kur veiuaen, san masmasien veni, ka sani min keil amuni, tai vis ka teisav. Ka viteni min keil vit, “Uaen koanik vi rak vasakin hatkatien hau onen Ahi vakeih ka vamai vahi anatin. Rak houe hesakin meatin houlu ikur moulien.

Navong arokol Hou Nei Olip, Iesu selus min meatin onen keil vit, “Kami vasi mihelokovein inau hesuval koa Ahi viteni en Tus Votut koa vit, ‘Nuas meatin koa losil kat sipsip keil, ka sipsip keil onen iloh rasil.’ (Sak 13:7)

!Telmea, tovaha! Meatin koa vasa lat nau keie, mai tuai.”

Ka Iesu vit risi mini vit, “En vongien enek, out hermulantei mau, ka ato herkokorattei mau hatte helu; ka keik, kihiteni hatte hetel keke korkileatei inau.”