Popular Bible Verses from Okushuuruurirwa 5

Share

baayeshongora ekyeshongoro kisya nibagira bati: Oshemereire kutwara ekitabo n'okubambuura obumanyiso bwakyo, Ahabw'okuba okaitwa, waacungurira Ruhanga abantu n'eshagama yaawe Ab'enganda zoona n'endimi zoona n'abantu boona n'amahanga goona

nibagamba n'eiraka rihango bati: Omwana gw'entaama owaitsirwe ashemereire kuheebwa obushoboorozi n'obutungi n'obwengye n'amaani n'ekitiinisa n'okuhimbisibwa n'omugisha!

Waabahindura obukama n'abanyamurwa ahari Ruhanga waitu; Kandi baryaba abategyeki omu nsi.

Kandi naahurira buri kihangirwe kyona ekiri omu iguru n'omu nsi n'ahansi y'ensi n'omu nyanja n'ebirimu byona, nibigira biti: Oshutami aha kitebe ky'obukama n'Omwana gw'entaama baheebwe omugisha n'ekitiinisa n'okuhimbisibwa n'obushoboorozi ebiro n'ebiro!

Omwe ahari abo bakuru yangira ati: Otarira! Reeba, Entare y'omu ruganda rwa Yuda, ekitsitsa kya Daudi, akasingura; n'ahabw'ekyo naabaasa kushuuruura ekyo kitabo n'okubambuura obumanyiso bwakyo mushanju.