Popular Bible Verses from Okushuuruurirwa 3

Share

Reeba, nyemereire aha rwigi, nindukongoota niinyiguza; omuntu weena, ku araahurire eiraka ryangye yaanyigurira, niinyija kutaaha omu nju ye, ndye nawe, nawe arye naanye.

Ati: Nimmanya emirimo yaawe, ku otarikufuka kandi ku otarikwotsya; nangwa kuri noofuka, nari nooyotsya! Mbwenu ahabw'okutagata kooyakooya, otarikufuka kandi otarikwotsya, niinyija kukutanaka.

Boona abu nkunda mbateisa kandi mbahana; n'ahabw'ekyo oyezirikye, oyeteise.

Naagira ati: Nimmanya emirimo yaawe. Reeba, ntaire omu maisho gaawe orwigi orwigwire, oru omuntu weena atarikubaasa kukinga. Nimmanya ngu oine amaani makye, kwonka okeerinda ekigambo kyangye, tiwaayehakana iziina ryangye.

Orikusingura, ndyamwikiriza kushutama aha kitebe kyangye ky'obukama, nkaanye oku naasingwiere, nkashutama hamwe na Tata aha kitebe ky'obukama bwe.

Noogira oti: Ndi omutungi, ntungire bingi, tiinyine ki nkyenire; kunu torikumanya ku ori enshoberwa, ow'okusaasirwa, omworo, empumi kandi ojwaire busha.

Iwe okarinda ekigambo eki waagambiirwe aha by'okugumisiriza kwangye; naanye nikyo ndikurindira omu bunaku bw'okutegwa okuriija omu nsi yoona, okugyeza boona abagituuramu.

Niinyija juba; gumiza kimwe eki oine, hatagira owaakwaka ekirunga kyawe.

Sisiimuka, ogume nooreeba, ogumye ebikiriho ebiri haihi kufa; ahakuba nshangire omuri byona ebi okora hatarimu kihikire omu maisho ga Ruhanga wangye.