Popular Bible Verses from Okushuuruurirwa 17

Share

baryarwanisa Omwana gw'entaama, kwonka Omwana gw'entaama aryabasingura, ahakuba ni Mukama w'abakama kandi Omugabe w'abagabe, kandi abo abu aine n'abaayetsirwe, abaatoorainwe kandi abeesigwa.

Bwanyima omwe ahari baamaraika mushanju abaabaire baine enyabya mushanju yaija, yangira ati: Ija nkworekye orubanja oruricwerwa maraaya omukuru oshutami aha maizi maingi

Enyamaishwa ei waareeba ekaba eriho, hati teriho, neeyenda kuruga omu kiina ekitaine bugarukiro, eze omu kuhwerekyerera; kandi abatuura omu nsi, abu amaziina gaabo gatakahandiikwaga mu kitabo ky'amagara okuruga aha kuhangwa kw'ensi, baryatangaara ahabw'okureeba enyamaishwa egyo, ahakuba ekaba eriho, mbwenu teriho, haza kandi n'eija kubaho.

kandi aha buso bwe hahandiikirweho eiziina erisherekirwe, BABULOONI ORUREMBO ORUKURU, NYINA WA BAAMARAAYA N'EBIHAGARO BY'ENSI.