Naakutakira, MUKAMA wangye; naagira nti: Niiwe buhungiro bwangye,
Kandi omugabo gwangye omu nsi y'abahuriire.

Onyihe omu kihome, mbone kusiima eiziina ryawe,
Abahikiriire bamanye hamwe naanye,
Ku onkorera eby'embabazi.

Omwoyo gwangye ku gwagwire enshazi,
Okamanya omuhanda gwangye.
Omu muhanda ogu ndabamu,
Nimwo bantegire omutego.

Ntakira MUKAMA n'eiraka ryangye;
Ngaruka mmweshengyereza naryo.

Hurira okutaka kwangye; ahakuba ngarwirwe ahansi munonga.
Onkize abarikumpiiga; ahakuba nibankiza amaani.

Popular Bible Verses from Zaaburi 142

Free Reading Plans and Devotionals related to Zaaburi 142