Popular Bible Verses from Yoshua 10

Share

Eizooba ryayemerera, n'okwezi kwaguma aho, Okuhitsya obu eryo ihanga ryaherize kuhoora abazigu baaryo. Timurikumanya ekyo ku kyahandiikirwe omu kitabo kya Yashari? Eizooba ryayemerera ahagati y'eiguru, tiryarahuka kurenga, ryamara omwanya nk'ogw'eizooba ryona.

Aha izooba eri MUKAMA yaahereireyo Abaamori omu mikono y'Abaisraeli, Yoshua akagambirira MUKAMA omu maisho gaabo, ati: Iwe izooba 'we, yemerera ahaiguru ya Gibeoni, Naiwe kwezi 'we, yemerera ahaiguru y'oruhanga rwa Ayalooni.

Tihariho izooba erirabaire nk'eryo omu gaaribandiize n'agaakuratsireho, obu MUKAMA yaahurira eiraka ry'omuntu; ahakuba MUKAMA akarwanirira Abaisraeli.

MUKAMA yaagira Yoshua ati: Otabatiina, ahakuba mbahaireyo omu mikono yaawe; kandi tihariho mushaija weena aharibo oraasyamirane naiwe.

Yoshua yaabagambira ati: Mutatiina, kandi mutahahaaza emitima; mube ab'amaani, mugume emitima; ahabw'okuba nikwo MUKAMA arigira ati abazigu baanyu boona abu murirwanisa.