Popular Bible Verses from Yoshua 1

Share

Tiinye naakuragiira? Ba ow'amaani, ogume omutima; otatiina, n'obu kwakuba okuhahaaza omutima; ahabw'okuba MUKAMA Ruhanga waawe aryaguma naiwe, ei oriza yoona.

Ekitabo eki eky'ebiragiro kitarikuruga omu kanwa; kureka ogume nookiteekateekaho nyomushana na nyekiro, obone kwerinda, ohitsye byona ebihandiikirwemu; obwo nibwo oriheebwa omugisha ei oriza yoona, okabaasa gye byona.

Kwonka ba ow'amaani, ogumire kimwe omutima, kandi oyerinde ohitsye ebiragiro byona ebi Musa omugaragwa wangye yaakuragiire; otaribiteishukaho kutoora aha rubaju rwa buryo nari orwa bumosho, obone kubaasikirwa, ei oriza yoona.

Tihaine muntu weena oribaasa kukuza omu kaso ebiro byona eby'amagara gaawe; nk'oku naabaire ndi na Musa, nikwo ndiguma naiwe; tindikuhemukaho, kandi tindikutsigaho.

Ba ow'amaani, ogume omutima; ahakuba niiwe orihunguza eihanga eri ensi ei naarahiire kuha baishenkurubo.

Omwanya gwona ogu muriribatamu, ngubahaire, nk'oku naagambiire Musa.

Musa omugaragwa wangye afiire; n'ahabw'ekyo imuka, oyambukye omugyera ogu Yorudani, iwe n'eihanga eri ryona, mutaahe omu nsi ei ndikuha Abaisraeli.

Bwanyima y'okufa kwa Musa omugaragwa wa MUKAMA, MUKAMA akagambira Yoshua mwene Nuuni, omuheereza wa Musa, ati

Okuruga aha ihamba n'orushozi oru Lebanooni, okuhika aha mugyera omuhango Furaati, ensi yoona ey'Abahiiti, okuhika aha Nyanja empango ey'oburengyerwa-izooba, egyo niyo eriba emyatano yaanyu.

Omuntu weena origomera ebiragiro byawe, akanga kuhurira ebigambo byona ebi orikumuragiira, aryaitwa. Kwonka ba ow'amaani, ogume omutima.

Mugyende nimuraba omu rusiisira rwona, muragiire abantu muti: Mwekomere entanda, ahakuba omu biro bishatu nimwija kwambuka ogu mugyera Yorudani, kuza kukubuura ensi, ei MUKAMA Ruhanga waanyu arikubaha kuba eyaanyu.