Popular Bible Verses from Isaaya 65

Share

Batakaanyetsire, ndyabeetaba; Kandi ndyabahurira nibakigamba.

Reeba, nimpanga eiguru risya n'ensi nsya; Ebya ira tibiriijukwa, N'obu kwakuba okuteebwaho omutima.

Tibarihendekyera busha, N'obu kwakuba okuzaara abaana b'okugwerwa akagwe; Ahabw'okuba baryaba oruzaaro rw'abu MUKAMA ahaire omugisha Hamwe na baijukuru baabo.

Tibaryombeka maju, abandi bakagataahamu; Tibaribyara mizaabibu, ekariibwa abandi; Ahabw'okuba nk'oku ebiro by'omuti biba, n'eby'abantu bangye nikwo biriba, Kandi abatoorainwe bangye baryamara omwanya muhango Nibashemerererwa ebi emikono yaabo ekozire.

Tiharigaruka kubayo keereere Akarikufa kamazire ebiro bikye, N'obu yaakuba omugurusi otarikuhitsya biro bye; Ahakuba omwana aryafa ahikize emyaka igana, Kandi omusiisi, orifa ahikize emyaka igana, biri akyeenirwe.

Omushega n'omwana gw'entaama biryarya kumwe; Entare eryarya obunyaatsi nk'ente, Kandi omucuucu guryaba eby'okurya by'enjoka. Aha rushozi rwangye orurikwera rwona Tibarikoreraho kubi, n'obu kwakuba okucwekyereza, Nikwo MUKAMA arikugamba.

Ndyashemerererwa Yerusaalemu, Nnanukye ahabw'abantu bangye. Terihuririrwamu iraka ry'okucura, N'obu kwakuba okurira kw'abaine enaku.