Popular Bible Verses from Abaheburaayo 8

Share

Ahabw'okuba ndyabasaasira eby'okushiisha byabo, N'ebibi byabo tindibiijuka bundi.

Kwonka egi niyo ndagaano ei ndiragaana n'enju ya Israeli Bwanyima y'ebiro ebyo, nikwo Mukama arikugira; Ndyata ebiragiro byangye omu bwengye bwabo, Kandi aha mitima yaabo niho ndibihandiika; Nyowe ndyaba Ruhanga waabo, Nabo babe abantu bangye.

Kandi tibaryegyesana buri muntu na mutaahi we, Nari shi omuntu weena na mwene ishe bati: Manya Mukama! Ahakuba boona baryammanya Okuruga aha muto okuhika aha mukuru

ahakuba Mukama akabahana naagira ati: Reeba, ebiro biryaija, nikwo Mukama arikugira, Obu ndiragaana endagaano nsya N'ab'enju ya Israeli n'eya Yuda

Omuri ebyo ebi twagamba, ekirikukira obukuru nikyo eki. Twine Omunyamurwa omukuru nk'ogwo, oshutami aha rubaju rwa buryo orw'ekitebe ky'obukama obw'Ow'ekitiinisa omu iguru