Popular Bible Verses from Okutandika 49

Share

Enkoni y'obugabe teriruga ahari Yuda, N'obu yaakuba ey'obutegyeki kumuruga aha bigyere, Okuhitsya obu mukama waayo ariija

Yosefu n'eitaagi eririkwana munonga, Eitaagi eririkwana munonga haihi n'enshuro; Amataagi ge garengyera aha rugo rw'amabaare. Abarasi bakamugwisa kubi, Baamurasha, baamuhiiga.

Kwonka obuta bwe bwaguma bureegire, Emikono ye n'engaro ze byaheebwa amaani Omukono gw'Ow'obushoboorozi owa Yakobo Omu iziina ry'omuriisa, Orukiri rwa Israeli, Niwe Ruhanga wa sho, orikuhwera, Ow'obushoboorozi bwona orikuha omugisha, Emigisha erikuruga omu iguru, N'emigisha erikuruga hare okuzimu, N'emigisha ey'aha mabeere n'ey'omu nda.

Iwe Yuda, beene sho baryakuhimbisa; Omukono gwawe guryakwata abazigu baawe aha bitsya; Beene sho baryakwinamira. Yuda n'ekitsigazi ky'entare; Mwana wangye, oinamukire, nooruga aha ki waita; Yainama, yaabundama nk'entare, Kandi nk'entare enkazi; n'oha owaakwemera kumusisiimura?

Reubeeni, niiwe naabandize kuzaara, Amaani gangye, kandi omujigaijo gw'obutsigazi bwangye. Ow'amaryo rurangaanwa, kandi ow'amaani rugambwa. Ori nk'amaizi agatahamira hamwe; toriheebwa bukuru, Ahakuba okatemba ekitabo kya sho; Waakihagara. Waaza ahu mbyama!