Popular Bible Verses from Okuruga 3

Share

Ruhanga yaagira Musa ati: Ndi MBAHO; kandi yaagira ati: Oku nikwo origambira Abaisraeli, oti: MBAHO niwe abantumireho.

Yaamugira ati: Buzimazima ndyaba nkwine. Akamanyiso akarihamya ku niinye naakutumire n'aka; ku oriba waihire abantu omuri Misri, muryaheerereza Ruhanga aha rushozi oru.

Ruhanga yaagira ati: Otairira haihi; juura enkaito omu bigyere byawe, ahakuba omwanya ogu oyemereiremu n'ogurikwera.

MUKAMA yaagira ati: Buzimazima ndeebire okubonabonesibwa kw'abantu bangye abari omuri Misri, naahurira okutaka kwabo oku barikutakisibwa abanyampara; ahabw'okuba nimmanya obusaasi bwabo, kandi naashuuma kubajuna, kubaiha omu mikono y'Abanyamisri, barugye omu nsi egyo, mbatware omu nsi enungi kandi egarami, ensi ey'amate n'obwoki, ensi ey'Abanyakanaani, ey'Abahiiti, ey'Abaamori, ey'Abaperizi, ey'abahiivi n'ey'Abayebusi.

Maraika wa MUKAMA yaamweyorekyera omu rurimi rw'omuriro nigunaga enkobe ahagati y'orushaka; yaayetegyereza, yaareeba orushaka nirwaka, kwonka rutarikusya.

N'ahabw'ekyo ija, nkutume ahari Faraho, oihe abantu bangye Abaisraeli omuri Misri.