Popular Bible Verses from 2 Abagabe 20

Share

Garukayo, ogambire Hezekia omukuru w'abantu bangye oti: Oku nikwo MUKAMA, Ruhanga wa Daudi shwenkuru, arikugamba naagira ati: Naahurira okushaba kwawe, kandi naareeba n'amarira gaawe. Reeba, niinyija kukukiza; aha kiro kya kashatu oinamukye omu nju ya MUKAMA.

Ai MUKAMA, ninkweshengyereza, mbwenu ijuka oku ngyendeire omu maisho gaawe omu bwesigwa n'omutima oguhikire, ninkora ebi orikusiima. Yaarira munonga.

Omu biro ebyo Hezekia akarwara, yaahika aha ncwamba za rufu. Nabi Isaaya mwene Amozi yaija ah'ari, yaamugira ati: Oku nikwo MUKAMA arikugamba naagira ati: Tebeekanisa eby'eka yaawe; ahabw'okuba noija kufa, tori w'okukira.

Kandi ndyayongyera aha biro byawe emyaka ikumi n'etaano. Ndyakujuna, iwe n'oru rurembo, omu mikono y'omugabe wa Asiria, kandi ndurinde ahabwangye, n'ahabw'omwiru wangye Daudi.