Popular Bible Verses from 2 Eby'omu Busingye 7

Share

abantu bangye abarikwetererwa eiziina ryangye, ku baryecureeza, baashaba, bansherura, baareka emitwarize yaabo emibi, obwo ndyahurira niinyema omu iguru, nsaasire ekibi kyabo, kandi ntambire ensi yaabo.

Okuruga hati niinyija kuguma ninta amaisho gangye, kandi nintega amatu gangye aha kushaba okurishabirwa omu mwanya ogu.

Ahabw'okuba hati naatoorana egi nju, kandi naagyeeza, ngu eiziina ryangye ribone kugigumamu ebiro byona; amaisho gangye n'omutima gwangye biryagigumaho obutwire bwona.

Ku ndikinga eiguru, enjura yaabura, nari naaragiira enzigye kukunuura ensi, nari naayohereza orufu omu bantu bangye

Bwanyima MUKAMA yaayeyoreka Sulemaani nyekiro, yaamugira ati: Mpuriire okushaba kwawe, kandi nyetooraniire omwanya ogu kuba ogw'enju y'okutambiramu ebitambo.