Saulo ku yaahuriire ebigambo ebyo, Omwoyo wa Ruhanga yaamwijaho n'amaani, yaagira ekiniga kingi. Yaihayo ente ibiri, yaaziita, yaazitematemamu ebicweka, yaabiha entumwa kubitwara omuri Israeli yoona, yaazituma ati: Weena oraayangye kuhurura na Saulo na Samueli, okwo nikwo ente ze ziraatwazibwe. Okutiinisa kwa MUKAMA kwakwata abantu, baahururira kimwe nk'omuntu omwe.