Popular Bible Verses from 1 Petero 4

Share

Okukira byona mukundane munonga; ahabw'okuba okukunda kushweka ebibi bingi.

nk'oku omuntu weena yaahairwe ekiconco, mube nikwo mwabihweresana, nk'ababiiki barungi ab'embabazi za Ruhanga ez'emiringo yoona

orikugamba agambe nk'orikugamba ebi ashuururiirwe Ruhanga; orikuheereza aheereze n'amani agu Ruhanga amuhaire, Ruhanga abone kuhimbisibwa omuri byona ahabwa Yesu Kristo; aheebwe ekitiinisa n'obutegyeki ebiro byona Amiina.

kwonka omuntu ku araabonabonesibwe nk'omukristaayo, arekye kukwatwa enshoni, kureka ahimbise Ruhanga ahabw'eiziina eryo.

Emperu ya byona eri haihi; n'ahabw'ekyo mwerinde, muhuguukye, mwezirikire kushaba.

Abarikukundwa, mutatangaazibwa omuriro ogwizire kubagyeza, nk'abahikwaho eihano; kureka mushemererwe ahabw'okukwatanisa na Kristo omu busaasi bwe; kandi ekitiinisa kye ku kirishuuruurwa, nabwo mushemererwe n'okwesiima kwingi.

Mukunirane mutarikunyomwa

N'ahabw'ekyo abarikubonabona nk'oku Ruhanga akunda, bagume nibakora gye, kandi bakwatse amagara gaabo Omuhangi orikwesigwa.

N'ahabw'ekyo nk'oku Kristo yaabonabonesiibwe omu mubiri, naimwe muhagatire eby'okurwanisa, nigwo mutima nk'ogwe; ahakuba oherize kubonabonesibwa omu mubiri, biri aherize kureka ebibi, mubone kumara ebiro ebi mutsigaize omu magara g'omubiri, mutarikukora by'okurigira okubi kw'abantu, kureka ebi Ruhanga akunda.

Ku muraabe nimujumwa ahabw'okuturwa eiziina rya Kristo, muhiiriirwe, ahabw'okuba Omwoyo ow'ekitiinisa kandi owa Ruhanga atuura ahariimwe.