Popular Bible Verses from 1 Abagabe 3

Share

N'ahabw'ekyo ohe omwiru waawe omutima ogurikwetegyereza kutegyeka abantu baawe, mbone kutaanisa ekibi n'ekirungi; mbwenu n'oha orikubaasa kutegyeka eihanga ryawe eri erihango?

reeba, naakora nk'oku ekigambo kyawe kiri. Naakuha omutima gw'obwengye kandi ogurikwetegyereza; tihakabahoga orikwingana naiwe omu baakubandiize, kandi n'omu barikukurata taribaho.

Ruhanga yaamugira ati: Ahabw'eokushaba ekigambo ekyo, oteeshabire kuhangaara, nari obutungi, nari okushabira abazigu baawe kufa, kureka okeeshabira obwengye bw'okumanya ebihikire

Kandi naakuha n'ebi otaashaba, obutungi n'ekitiinisa; tiharibaho ondiijo mugabe oringana naiwe ebiro byawe byona.

Kandi ku origyendera omu mihanda yangye, waayorobera ebyatairweho n'ebiragiro byangye, nk'oku sho Daudi yaabaire abigyenderamu, ndyayongyera aha myaka yaawe.

Sulemaani ku yaabaire akiri Gibeoni, MUKAMA yaamweyoreka omu kirooto nyekiro; Ruhanga yaamugira ati: Shaba eki orikwenda ngu nkuhe.

Mbwenu hati, MUKAMA Ruhanga wangye, ogizire omwiru waawe omugabe omu mwanya gwa tata Daudi, n'obu ndaabe ndi omwana muto, ntarikumanya oku ndaashohore, n'oku ndaataahe.

Okwo kushaba kwa Sulemaani kwashemeza MUKAMA ahabw'okushaba ekigambo ekyo.

Sulemaani yaagira ati: Okaba ogirira omwiru waawe tata Daudi embabazi nyingi, nk'oku yaabaire agyendera omu maisho gaawe omu mazima n'omu kuhikiirira n'omutima ogugororokire ahariiwe; mbwenu omucumiire omugisha ogu omuhango, waamuha omwana w'okuza aha ngoma ye, nk'oku kiri eri izooba.

Kandi nyowe, omwiru waawe, ndi ahagati y'abantu baawe abu waatooraine, eihanga rihango munonga, eritarikubaasa kubarwa.