Popular Bible Verses from 1 Abagabe 19

Share

bwanyima y'omutsitsa haija omuriro, kwonka MUKAMA akaba atagurimu; bwanyima y'omuriro haija akaraka kakye kandi koorobi.

We akagyenda orugyendo rw'eizooba ryona, akaza omu ihamba. Ku yaahikireyo, yaashutama ahansi y'omukinga, yaashaba Ruhanga ngu afe, naagira ati: Mperere hi! mbwenu, ai MUKAMA, nyita; ahakuba tiinyine ki ndikuhitsa baatatenkuru.

MUKAMA yaamugira ati: Shohora, oyemerere ahari oru rushozi omu maisho ga MUKAMA. MUKAMA yaarabaho, omuyaga mwingi gw'amaani gwashatura enshozi, gwayatagura enkiri omu maisho ga MUKAMA; kwonka MUKAMA akaba atagurimu. Bwanyima y'omuyaga haija omutsitsa, kwonka MUKAMA akaba atagurimu

Eliya ku yaakahuriire, yaayeshweka omunagiro aha maisho, yaashohora, yaayemerera aha munwa gw'enyanga. Haija eiraka, ryamugira riti: Eliya nookora ki aha?

Ku yaahikire okwo, yaataaha omu nyanga, yaaraaramu; kandi reeba, ekigambo kya MUKAMA kyamwizira; yaamugira ati: Eliya, nookora ki aha?

Atyo yaimuka, yaarya, yaanywa, yaagyendera aha mwiguto gw'ebyo by'okurya ebiro makumi ana nyomushana na nyekiro, yaahika ahari Horebu orushozi rwa Ruhanga.

Yaabyama ahansi y'omukinga, yaagwejegyera; bwanyima maraika yaija, yaamukoraho, yaamugira ati: Imuka orye.

Maraika wa MUKAMA yaija obwa kabiri, yaamukoraho, yaagira ati: Imuka orye, orugyendo ni ruhango, rutakaakurema.

Onu yaagira ati: Ngizire eihari ringi ahabwa MUKAMA, Ruhanga ow'amahe; ahabw'okuba Abaisraeli baitsire endagaano yaawe, baasheenya amatambiro gaawe, baita baanabi baawe na rurara; nyowe, nyowe nyenka, niinye ntsigaireho; kandi naanye nibeenda kuunyita.

Onu ku yaamagamagire, yaareeba aha mutwe gwe omugaati oguteekirwe aha mabaare garikwotsya, n'orunywero rw'amaizi. Yaarya, yaanywa, yaagaruka yaabyama.

Bwanyima Yezebeeli yaatuma ahari Eliya naagira ati: Nyencakare nk'aga magingo ku ndaabe ntagizire magara gaawe nk'oku waagira agaabo, baaruhanga bakinture n'okukiraho.

Kwonka ndyayetsigiraho abantu enkumi mushanju omuri Israeli, abatakatsimbiraga Baali maju, n'obu kwakuba okumunywegyera.

Atyo yaarugayo, yaashanga Elisa mwene Shafati naahingisa ente makumi abiri na ina ezikomeraine ibiri-ibiri omu mishorongo ebiri, zimuri omumaisho, kwonka we aine ibiri ezirikuhereerukayo; Eliya yaakiikama; ku yaabaire naamurabaho, yaamunagaho omunagiro gwe.

Tiyaamukuratira, yaagarukayo, yaatwara ente ibiri, yaaziita, yaaziteekyesa ebiti ebyaba bizikomire, yaagaburira abantu, baarya. Bwanyima yaimuka, yaakurata Eliya, yaaguma naamuhereza.

Elisa yaatsigaho ente, yaamwirukaho, yaamugira ati: Reka mbanze nnywegyere tata na maawe, mbone kukukuratira. Yaamugarukamu ati: Garukayo; mbwenu waareeba naakugira nta?