Popular Bible Verses from ARoma 8

Share

Hiyo nihinona wi Mulugu onoweeddiha dhego dhaatedhene mwapama wa ale enamudhivela, ayene enawiithaniiye mooligana ni moobuwelelo aaye.

Ebaribareene gihinona mohaanganyedha wi kavili yego enaanimwalanihe ni odhivela waaye. Naari okwa, naari egumi, naari angero, naari mineba dhootakala, naari dhego dhiliwo, naari dhoosogolo, naari kopolo dhimohi, naari dha odhulu, naari oddiiha wa vati, naari yego emoheene yoopaddusiwa kidha enimwalaniha ni odhivela wa Mulugu oli mwa Yesu Kirixtu, Nabwiya eehu.

Mwa mukalelo mmohive, Muneba Woweela ononikamihedha mwa olodhowa weehu. Vowi hiyo kannonile olobela wona munafuneyeliiwa. Mbwenye Muneba Woweela mwiinya ononilobelela ni wiikubanyiha woohuwogeya.

Ki vano nnawoge ddi mwa dhedhi? Akala Mulugu oli mwa hiyo, onaanigonjihe baani?

Mowindo dhiinova kudha okala okoniwa wa athu eli mwa Yesu Kirixtu.

Ohela moobuwelelo a omuthu fuukwawene, mbwenye ohela moobuwelelo dhedho dhinafuna Muneba Woweela, onodhiiha egumi ni murenddele.

Mbwenye mwa dhaatedhene dhedhi nili oogonjiha mookwaranya, odheela wa ole onidhivele.

Miyo gihikalana ebaribari wi goyi enooniihu dhiinova kinaligana nivang'onong'ono ni nthithimiho nenddo Mulugu nnisasanyedheliiye.

Ki onaanimwalanihe ni odhivela wa Kirixtu baani? Enakale goyi, naari dhoovoreya, naari oharahariwa, naari dala, naari osiwa, naari dhowoopiha, naari okwa? Nivang'onong'ono!

Vano Mulugu onoona dha muwari mwa mirima dha athu, ohunona dhoofuna dha Muneba Woweela, mwaha wi onowaalobelela athu oweela mirima wona Mulugu munafuneliiye.

Athu aatene ayene Muneba wa Mulugu onaasogoleliiwa, bi ahima a Mulugu.

Athu enahara epaddi ya omuthu, moobuwelelo eewa enatedemanela dha omuthu. Mbwenye athu enahara Muneba Woweela, moobuwelelo eewa enoobuwelela dhedho dhinafuna Muneba Woweela.

Ole ohunikooddihedhe Mwaana aaye-aaye, mbwenye ahimveleela wa hiyo aatene, kananivahe dhaatedhene mwa mahala?

Mwiinyeene Muneba Woweela onowiirela onamoona wa mirima dheehu wi nili ahima a Mulugu. Vano akala nili ahima a Mulugu, nnoodha naakele vamohi ni Kirixtu, mareeliho yanilogoleleliiye. Nnoodha naakele vamohi ni Kirixtu akala nnorabula ni oliye wi nthithimihiwe vamohi ni oliye.

Moobuwelelo a omuthu omwiiddani ni Mulugu, mwaha wi kineehela vati va Malamulo aaye. Owoga mwa ebaribari, kinaakwaniha.

Dhoopaddusiwa dhaatedhene dhinajejiha ni ofunesesa wi Mulugu aavuhulele anaaye voweela.

Nihinona wi ofiyedha dhiinova dhoopaddusiwa dhaatedhene dhinowundda ni dhoovoreya wona mwihiyana mudhidhi wa obala.