Popular Bible Verses from ARoma 12

Share

Kamutajihe makalelo a athu a vati vano, mbwenye mukale oosadduliwa odheela osadduliwa wa moobuwelelo eenyu wi odheela mooxixa munosuuza ofuna wa Mulugu oli opama, odhivela, waakwanela.

Mowindo, addibilaga, arogoraga, ginowuukokomezani odheela thagaraga dha Mulugu wi mwiipeleke wona mukutho wa egumi, woweela, woomudhivela Mulugu. Oyene bu mukalelo weenyu wa ebaribari womweebedha mwa muneba.

Muhagalalege ni ojejihedha weenyu. Mvilelege vaari va orabula, mulobelege mudhidhi dhaatedhene.

Kamugonjihiwe ni dhootakala, mbwenye mugonjihe dhootakala vowiirana dhapama.

Mudhivelanege mwa ebaribari wona addibila, mwiilibihedhe wi moonihege nriiho mmohi ni mukwaaye okwaranya we vaweeka.

Odhivela okalege wa ebaribari. Mwiiddanege ni dhabure; mukubaarelege dhapama.

Mwiilibihedhege wi mukalege mmurenddeleni ni athu aatene, dhakala dhowaandeya.

Oodhivela aaga, kamuwelihedhege yootakala, mbwenye mwihiye owali wa Mulugu olabe. Vowi dhihilebiwa wi: <<Nabwiya wiire: <Wuundda kunyawunya fwaaga, onadhe aawelihedhe di miyo> >>.

Mwiiveleelege moohugoma, mukalege oopaha mwa muneba, mmwiimelelege Nabwiya.

Odheela mahala givahiwiimi ginowuwaaddelani kadda muthu a mwa nyo wi mwihiyiirege ookwaranya mwemo mukaleliinyu. Moohiyaniha, muubuwelege moofwanafwana ni ebaribari, mooligana ni wunnuwa wa nroromelo Mulugu nimvahiliiye kadda muthu a mwa nyo.

Muthu owiirelani yootakala, kammuwelihedhe yootakala. Xixani wiirana dhedho athu aatene dhinooniiwa wi sapama.

Mwiiwananege pama teto kamwiithukulelege, mbwenye mwaandanege ni athu bure. Kamwiyiirege wona atthottho.

Moohiyaniha, wona munawogela madhu a Mulugu: <<Akala mwiiddani aawo ohukalana dala, omvahe yooja. Akala ohukalana nthona, omvahe yoong'wa. Weera ndo, onamuugelela makala a munddo vamuru vaaye>>.

Mwaareelihege ayene enooharaharani; mwaareelihege, kamwaaddubege. Muhagalalege ni ale enahagalala, muunddege ni ale enaandda.

Mugawanege dhinniinyuna ni oweela mirima eli oorabula. Mwawiithanelege aleddo mmavade mweenyu.

Mmwiilini mweehu nihikalana yaano dhijinji, yaano nda dhinolaba moohiyana-hiyana. Emodha-modhave hiyo nnaroromela naari nigalive ajinji nili mwiili mmohive mwa Kirixtu, kadda muthu doomagelelana ni amohi.