Popular Bible Verses from Zhuwawu 19

Share

Yesu agamulawihile vinyu oonyuunya ole, ahiiraga: <<Dhaatedhene dhihaakwanelihiwa>>. Vooharelaviwa ahiworomihaga muru, opeleka egumi yaaye.

Dhigavirile nda Yesu ahinonaga wi dhaatedhene dhihiireya. Vano wi dhaakwanele Maleba Ootaleleya dhawogiliiwa, oliye ahiiraga: <<Gihikanna nthona>>.

Vevale Yesu agawoonile amaaye ni namasuuza amudhiveliiye vajinji, ageemelile vakukuuve, ahawaaddelaga amaaye, wiira: <<Mmani, mulobwana oyo di mwaana aawo>>. Vooharela ahimwaaddelaga namasuuza ole, wiira: <<Ola di mma aawo>>. Vano wambeela vevale namasuuza ole ahimuthukulelaga vaade vaaye mma ole, omukameelaga.

Vafiyiligiiwa wa Yesu, egamoonile wi ohukwa, kayakotholege meddo dhaaye. Mmohi mwa anyakoddo ale ahimulataga mbararuni mwaaye ni mwaalago, mowaaguva okumamo mwazi ni mahinje.

Dhapadduwele ndo wi dhaakwanelihe dhedho Maleba Ootaleleya dhawogiliiwa wi: <<Kidha epwesa nikuva naaye>>. Maleba mamohi yiire: <<Enoodha emusugwege vamulatiligiisu>>.

Oliye agakapathile muraddi waaye, ahikumagana muluwani odhowa omburoni oneethaniwa <<mburo wa Egarigadhi>>. (Mu eZhudewu oneeriwa: << Gologotha >>.)

Vano anyakoddo yahiluwaga kara ya miinga, omuwariha mmuruni mwaaye. Yahimuwarihaga yoowara ya roxa ombeddaga.