Popular Bible Verses from Sikavimos 3

Share

Eta, me ninkerav ma angla o vudar, ai me malavav. Te si varekon ke ašunel muřo hango ai putrel o vudar, me dava andre leste, me xava lesa, ai vo mansa.

Me žianav tjire butia. Me žianav ke tu či san či šudro či tato! Mai mišto t'aves tu šudro vai tato! Kadia, sar ke tu san kropo, ai ke tu či san či šudro či tato, me šiadava tu anda muřo mui.

Me, sikiarav ai marav sa kudalen kai si mange drago. Av harniko, ai keisavo.

Me žianav tjire butia. Eta, sar ke si tut tsiřa zor, ai ke tu garadian muři vorba, ai ke tu či dian palpale muřo anav, me thodem angla tute jekh vudar puterdo, kai khonik naštil te phandavel les.

Kudo kai nirila, me kerava te bešel mansa pe muřo skamin amperatisko, sar me nirisardem ai me bešav muře Dadesa pe lesko skamin amperatisko.

Sar ke tu phenes: Me sim barvalo, me barvailem, ai man či trubul ma khanči, ai ke tu či žianes ke tu san nasul, nekežime, čořo, kořo ai nango.

Sar ke tu garadian e vorba te ninkeres ande mande, vi me garavava tu ka o časo le zumaimasko kai si t'avel pe e lumia sa, te zumaven o narodo pe e phuv.

Me sigo si t'avav. Ninker so si tu, eta ke khonik te na lel tjiri kurona.

Le tu sama, ai zuriar so mai ašilias te merel; ke me či arakhlem tjire butia vorta angla o Del.