Popular Bible Verses from Psalmo 139

Share

Me luvudiv tu ke sim jekh kreatura kadia šukar. Tjire butia si drago, Ai muřo duxo žianel les mišto.

Zumav ma, o Del, ai prinžiar muřo ilo! Dikh kon sim, ai prinžiar muře ginduri! Dikh te sim pe jekh vurma čoři, Ai ninger ma pe e vurma kai si pe sakda!

Tu kerdian muře prašave, Kai khuvdian ma ande o peř muřa dako.

Kana me simas jekh kotor bi goresko, tjire jakha dikhenas ma; Ai pe tjiri kliška sas sa ramome, Le diesa kai sas mange thodine, Angla savořende t'avel jekh anda lende.

Baro Del! tu zumaves ma ai tu žianes ma

Kai šai žiava me dur katar tjiro duxo, Ai kai našava me dur katar tjiri fatsa?

Tu žianes kana me bešav ai tu žianes kana me uštiav, Tu de dural des ande muřo gindo

Ke e vorba nai pe muři šib, Ke inke, o Baro Del! tu žianes la sa.

Tu žianes kana me phirav ai tu žianes kana me sovav, Ai tu žias ande sa muře vurmi.