Popular Bible Verses from Psalmo 119

Share

Tjiri vorba si jekh lampo ka muře punře, Ai jekh vedaria pe muři vurmitsa.

Me kjidav tjiri vorba ande muřo ilo, Eta te na kerav bezex pe tute.

Sar o terno murš kerela vuži peski vurmitsa? Kai žial pala tjiri vorba.

Veseli kudala kai arakhen so phenel, Kai roden les ande sa pengo ilo

Tu san muřo garaimos ai muřo fedevo; Me ažiukerav ande so tu phendian.

De ma e godji, te garavav tjiro zakono Ai ke te lav les sama ande sa muřo ilo!

Bangiar muřo ilo karing tjire poronki, Ai na karing o nirimos!

Si mišto t'avav prosto, Eta te sikiuvav tjire zakonuri.

Kadia si te milui ma ande muřo čořimos, Ke so tu phendian mange del ma o traio.

Ninger ma ande e vurmitsa tjire poronkongi! Ke me kamav len.

Sikiar ma, Baro Del, e vurma tjire zakonongi, Te ninkerav le žikai či getol pe!

Muřo duxo rovel ande o nekazo: Uštiav ma sar si tjiri vorba!

Sode si mange drago tjiro zakono! Vo si sako dies kai dav ma godji leste.