Popular Bible Verses from Psalmo 103

Share

Muřo duxo, svintsosar le Bare Devles, Ai či buster či jekh anda leske mištimata!

Vo si kai jertil sa tjire bezexa, Kai sastiarel sa tjire nasvalimata; Vo Si kai ankalavel tjiro traio anda e hunia, Kon thol pe tjiro šero e kurona le lašimaski ai la milaki; Vo si kai pravarel mištimasa tjiro purimos, Kai terniarel tu, ašes sar jekh ulio.

Muřo duxo svintsol le Bare Devles! Ke sogodi kai si ande mande svintsol lesko svinto anav!

Sar jekh dad si leske mila anda peske šiave, O Baro Del si leske mila anda kudala kai daran lestar.

Kaiti pe e rig e čači si dur katar pe e rig e stingo, Kaiti vo duriarel amendar amare šinimata.

O Baro Del si miloso ai lel sama, Na gribisavo ka e xoli ai barvalo ka o mištimos

Vo či kerel pe amende sar si amare bezexa, Vo či kerel te pokjinas sar si amare bezexa. Numa kaiti si le čeri opral katar e phuv, Kaiti lesko mištimos si baro kudalenge kai daran lestar

O Baro Del thodias pesko skamin amperatisko anda le čeri, Ai leski amperetsia si bari pe sa le dieli.