Popular Bible Verses from Filipian 4

Share

Te na daran khančestar; numa anda sa le dieli keren te žianel o Del so trubul tumen katar le řudjimata ai le mangimata, te naisin les.

Ai e patia le Devleski, kai si mai but sar sa le godia, arakhela tumare ile ai tumare ginduri ande o Jesus Kristo.

So mai si, phralale, ke sa so si čačo, sa so si pativalo, sa so si vorta, sa so si vužio, sa so si drago, sa so si vestime, ai sa so si harniko trubul te pheren tumare ginduri.

Me šai kerav sa katar kudo kai del ma zor.

Veselin tume sakda ande o Baro; mai phenav tumenge, veselin tume.

Ai muřo Del dela tumen so trubul savořen sar si lesko barvalimos, veselimasa, ande o Jesus Kristo.

So tume sikilian, lian ai ašundian mandar, ai so tume dikhlian ande mande, keren kadia. Ai o Del la patiako avela tumensa.

Ke tumaro guglimos te žianen les sa le manuš. O Baro si paše.

Me žianav te traiv ande o kovlimos, ai me žianav te traiv ande o but. Ande sa ai kai-godi me sikilem t'avav pravardo ai t'avav bokhalo, t'avav ande so si but ai t'avav ande so si tsiřa.

Nai ke trubul man vareso ke me phenav kadia, ke me sikilem t'avel mange mišto sar me sim.