Popular Bible Verses from Filipian 2

Share

Na keren khanči katar o duxo rigate vai katar o intaino vestimos, numa muken tume prosti te dikhen pe le kaver sar t'aven tume mai tele katar le kaver. Ke sako anda tumende, te na lel sama feri katar so si lesko, te lel sama vi katar so si le kavresko.

T'aven ande tumende le ginduri kai sas ande o Jesus Kristo

savo, si sar o Del, numa vo či gindisailo ke trubul te rodel te thol pe te avel jekh fialo sar o Del, numa vo šiudias pa peste, kai kerdilo sar sluga, t'avel jekh fialo sar le manuš; ai sikadilo sar jekh prosto manuš, vo korkořo kovlilo, vo patiaias ži ka e martia, ži ka e martia le trušuleski.

Ke si o Del kai thodias ande tumende so kamen ai so keren, sar si leske drago.

Sa anda kudia vi o Del vazdias les opre, ai dias les o anav kai si opral sa le anava, eta ke ka o anav le Kristosko sako čang bangiol ande o čeri, pe e phuv ai tela e phuv, ai ke sako šib puřil ke o Jesus Kristo si o Rai, pe o vestimos le Devlesko o Dad.

Keren sa le dieli bi te bulguin ai bi te den pe godji, eta tume t'aven bi-došake ai vuže, šiave le Devleske bi-došale maškar jekh vitsa žiungali ai rimome, maškar save tume strefian sar jekh amblal ande e lumia

Kadia, muři kuči dragi, sa tume sakda patianas, keren butji te skipin tume darasa ai isdraimasa, na ferdi sar angla mande, numa mai but akana ke či sim kothe