Popular Bible Verses from Jakob 3

Share

E godiaverimos de opral si mai angluno vuži, atunči patiaki, kovli, lašiarimaski, pherdi mila ai laše fruti, či diliarel, či athavel.

Savo anda tumende si lašio ai godiaver? Ke te sikavel kadia peske butia katar jekh lašio traio kovlimasa ai godiaverimasa.

E fruta la krisaki si thodini ande e patia kadalendar kai roden e patia.

Ke kothe kai si jekh žaluzia sigo ai jekh duxo čingarako, si buntuimos ai sako diela nasul.

Latar ame svintsisaras le Bares amaro Dad, ai latar ame das armaia le manušen kai si kerde sar o vobrazo le Devlesko. Anda sa kudo mui anklel avri o svintsimos ai e armai. Či trubul, muře phralale, t'avel kadia.

E šib vi voi si jekh jag; si e lumia e bezexali. E šib si thodini maškar amaro stato, mahril sa o stato, ai del pařa sa o traio la pařasa kai avel katar o nasulimos.

numa e šib, či jekh manuš naštil te sikiarel la; si nasul ai naštil te sikiarel la; voi si pherdo velino merimasko.

Muře phralale, te na avel maškar tumende but manuš kai thon pe te sikiaren, ke tume žianen ke ame avasa pe e kris mai zurales.