Popular Bible Verses from Židovuri 12

Share

Kadia vi ame, sar si krugom amende jekh baro nuvero martururi, šiudas pa amende sa o pharimos ai e bezex kai si pe amende vušori, ai našas zurales ande so si amenge puterdo, t'avel amaro dikhimos pe o Jesus, birevo ai kai getol o patiamos, kai, ande e veselia kai si garadi amenge, kjinuisardias pe o trušul, vuřitsisardias o žiungalimos, ai bešlo pe e rig čači katar o skamin amperatisko le Devlesko.

Čačes si ke sako marimos miazol angla savořende jekh diela nekežime, ai na e veselia; numa del mai palal kudalenge kai sas kadia sikiarde jekh fruta kovli la krisaki.

Roden e patia savořensa, ai o svintsimos, bi savesko khonik či dikhela le Bares.

Len sama, čačes, kudales kai ninkerdias pe peste kasavi dušmania katar le bezexale, eta te na muken tume o duxo tele.

Sa anda kudia, las jekh amperetsia kai či miškil, sikavas amaro naisimos ai das le Devles jekh molebina t'avel leske drago, milasa ai darasa

Ninkeren o štrafo: si sar šiave ke o Del kerel tumensa; ke savo si o šiav ke lesko dad či marel les?

ke amaro Del si vi jekh jag kai xal.

Amare dada marenas ame pe jekh tsiřa dies, sar sas lenge mišto; numa o Del marel ame pe amaro mištimos, eta t'avas lesa ka lesko svintsimos.

Tume inke či ninkerdian ži ka o rat, te ninkeren tume dur katar e bezex.