Popular Bible Verses from 1 Petri 2

Share

Tume, aver fialo, tume san jekh vitsa alome, raša kai služin le Amperatos, jekh narodo svinto: jekh narodo develsko, alome te phenen le butia le mai šukar le Develske e kai akhardias tumen anda o tuniariko ka e šukar vedaria

vo kai ningerdias vo amare bezexa ande pesko stato pe o kašt, eta ke te meras ka le bezexa ame ai te traisaras ka e kris; si katar le dukha leske ke tume san saste. Ke tume sanas sar le bakroře xasarde. Numa akana tume avilian palpale karing o pastuřo, kudo kai arakhel tumare duxuri.

tume kai angla savořende či sanas jekh narodo, ai kai akana san o narodo le Devlesko, tume kai nas pe tumende e mila, ai ke akana si pe tumende mila.

kamen, sar le glati kai arakhadile, o thud devlikano ai vužio eta ke lestar tume te barion le skipimaske

Muři draži, me mangav tumen, sar streia ai manuš kai phiren pe e phuv, te arakhen tumen katar so kamel tumaro mas statosko kai kerel o marimos pe o duxo. Te phiren tumen mištimasa maškar kudala kai či patian ande o Del, eta ke, kothe kai maren tumendar mui sar t'aven tume čor, te dikhen von tumare laše butia, ai luvudin le Devles, o dies kai vo avela lende.

ai inke tume, sar le bař živinde, vazden tume te thon jekh kher ande o duxo, jekh svinto služimos, eta te den so si šinado pala o duxo, drago le Devleske katar o Jesus Kristo.

Šiuden tumendar sako nasulimos ai sako xoxaimos, sako athaimos ai sako žaluzia, ai sa o pupuimos

Pašion paša leste, bař zivindo, šiudino katar le manuš, numa alome ai kuč angla o Del

San slobodo, numa na keren anda kudia slobodia jekh zanaveska te garavel o nasulimos, numa keren sar služi le Devleske.

Ke si sar kamel o Del ke kona tumen keren o mištimos tume ašaven le manušen kai či žianen ai le dilen.