Popular Bible Verses from Yoswa 10

Share

Enjuba n'eyimirira, Omwezi ne gulinda, Okutuusa eggwanga lwe lyamala okuwangula abalabe baalyo. Kino kyawandiikibwa mu Kitabo kya Yasali. Enjuba yalindira ku ggulu wakati, n'etayanguyiriza kugwa, okumala ng'olunaku lulamba.

Awo Yoswa n'ayogera ne Mukama ku lunaku Mukama lwe yawaayo Abamoli mu maaso g'abaana ba Isiraeri; n'ayogera mu maaso ga Isiraeri nti, “Ggwe enjuba yimirira waggulu wa Gibyoni; Naawe omwezi, yimirira waggulu w'ekiwonvu Ayalooni.”

Tewabangawo lunaku era tewaliba lulala olwenkana ng'olwo, Mukama okuwulira omuntu; kubanga Mukama yalwanirira Isiraeri.

Mukama n'agamba Yoswa nti, “Tobatya; kubanga mbakuwadde mu mikono gyo, tewaabe muntu mu bo anaayimirira mu maaso go.”

Yoswa n'abagamba nti, “Temutya, so temukankana; muddemu amaanyi, mugume omwoyo; kubanga Mukama bw'alibakola bw'atyo abalabe bammwe bonna be mulirwana nabo.”