Popular Bible Verses from Ekyamateeka Olwokubiri 6

Share

Onooyagalanga Mukama Katonda wo n'omutima gwo gwonna, n'emmeeme yo yonna, n'amaanyi go gonna.

era onoonyiikiranga okubiyigiriza abaana bo, era onoobyogerangako bw'onootuulanga mu nnyumba yo, era bw'onootambuliranga mu kkubo, era bw'onoogalamiranga, era bw'onoogolokokanga.

Era ebigambo bino bye nkulagira tobyerabiranga; onoobikuuma mu mutima gwo

“Wulira, ggwe Isiraeri; Mukama Katonda waffe ali omu.

Era onoobisibanga ku mukono gwo era onoobyetimbanga mu kyenyi okuba akabonero ak'okubikujjukizanga.

Era onoobiwandiikanga ku myango ne ku nzigi z'ennyumba yo.”

Otyanga Mukama Katonda wo; oyo gw'onooweerezanga, era erinnya lye ly'onoolayiranga.

“Awo olulituuka Mukama Katonda wo bw'alikuyingiza mu nsi gye yalayirira bajjajja bo, Ibulayimu ne Isaaka ne Yakobo okugikuwa omuli ebibuga ebinene ebirungi by'otaazimba, n'ennyumba ezijjudde ebirungi byonna, by'otaateekamu, n'ebidiba by'otaasima, n'ensuku ez'emizabbibu n'emizeyituuni z'otaasimba, n'olya n'okkuta; kale weegendereze oleme okwerabira Mukama, eyakuggya mu nsi y'e Misiri, mu nnyumba y'obuddu.

“Kale gano ge mateeka n'ebiragiro, Mukama Katonda wammwe bye yalagira okubayigiriza, mulyoke mubikolenga mu nsi, gye mugenda okubeeramu nga mumaze okusomoka omugga Yoludaani. Mmwe n'abaana bammwe era ne bazzukulu bammwe, mussengamu Mukama Katonda wammwe ekitiibwa obulamu bwammwe bwonna. Mutuukirizenga amateeka ge gonna n'ebiragiro bye bye mbawa, mulyoke muwangaale ennaku nnyingi.

Bw'onookolanga ebiri mu maaso ga Mukama ebituufu era ebirungi, olyoke olabenga ebirungi era oyingire otuule mu nsi ennungi Mukama gye yalayirira bajjajjaabo.

kubanga Mukama Katonda wo, Katonda wa buggya, obusungu bwe buleme okukubuubuukirako, n'akuzikiriza, n'akusaanyaawo.”

Temusinzanga bakatonda abalala ab'amawanga agabeetoolodde

“Temukemanga Mukama Katonda wammwe, nga bwe mwamukemera e Masa.