Popular Bible Verses from Romans 5

Share

Naaggauvva piḷuusiqiraugaluaqtilluta, Christ tuqqutiŋagaatigut, aasii taavrumuuna God-im salapqiġaa piviuttaqqutini uvaptiŋnun.

Niġiukkurvut asiḷiqqutauŋitchuq. Ilitqusiġiksuam iḷuptiŋniittuam nalupqinaiŋagaa uvaptiŋnun iḷisimapkairuam uvaptiŋnik qanutun God-mun piviuttaġipiaġataqtilaaptiŋnik.

Aasiisuli quviasugmiugut nagliksaaqaptaunnii, iḷisimavluta nagliksaaġunmun qiñuiqsaiññaqtitchumiñaqtilaaptiŋnik, aasii qiñuirrutiqaqtuiññaġupta nagliksaaqapta, iḷumun ititkikput ukpiqtuagutilaaqput. Niġiuktugut suli iḷaŋiutiniaqtilaaptiŋnik God-im kamanautaanik.

Paŋmapak aŋuyautaiqsugut God-mun qanuq ukpiqtugut Atanipta Jesus Christ nalaunŋasipkaŋagaatigut sivuġaani God. Pisigivlugu Jesus, God nagliktuutiqpaqaqsimaaqtuq uvaptiŋnun, aasii quviasuktugut niġiugivlugu iḷaŋiutiniksraqput God-im kamanautaanun.

Uvaptiŋnik ikayuġumiñaipiaqtilluta, piviksraq nalautinman, Christ tuqqutiŋagai piḷuusiqiripayaurat.

Tavra nalaunŋasipkaqtaukapta paŋmapak Christ auŋagun, nalupqisuŋipiaqtugut Christ-mun annautiniaqtilaaptiŋnik God-im qinnautaaniñ.

Qanuq iñuum atautchim kamasuŋirrutaagun iñuich piḷuusiqiriġuġmata, tainnaptauq iñuum atautchim kamaksriñiŋagun, iñuich nalaunŋasipkaqtauyumiñaqtut.

Taamnatualuuŋiñmiuq, quviakkiutigikput God Ataniptigun Jesus Christ-kun, iḷauraaliuqtuakun uvaptiŋnik God-mun.