Popular Bible Verses from Proverbs 3

Share

Ukpiqqutiqaġiñ Ataniġmun iluqaaġlugu uummatin. Makittatiginagu ilvich isumagni kaŋiqsimmatignun. Maliġuaġlugu Atanġum pisuutaa suliqipayauraġuvich, aasii ilaan iḷisimapkaġniaġaatin iluaqtuamik igliġviksraġnik.

Isummatiginak iliŋnun isumatuniḷutin; qiksigilugu Ataniq suli killuuruanik pisuŋiḷḷutin.

Nanġaġuŋ Ataniq aitchuusiuġlugu nakuuniqsranik nunagniñ nauruanik. Tainna piguvich, suġalliqpiktin siḷipkauraġniaqtut suli wine-gutitin siḷipkauraġniaġmiut.

Pilitchaanagik nakuaqqutillu iḷumutuuġñiġiḷḷu. Qiḷiġlugik quŋusiġñun; agliutikkich uumatignun.

Miqłiqtuuŋ, Atanġum natqiksruqpatin, naalaġniŋiññagu suli akuqtuumalugu. Atanġum natqiksruġuugaich nakuaġirani, aŋayuqaaguruaktun natqiksruiruaktun miqłiqtumignik nakuaġivlugu.

Miqłiqtuuŋ, piiguġnak iḷisaurrutimnik iliŋnun. Itqaumalugich tiliuġutitka. Iḷisaurrutigma iñuusugruktinniaġaatin iluqaapiallaglutillu.

Quviasugaqtuq kiñaliqaa isumatusiruaq—puttuqsrisiñiktuaglu. Akisułhaaqtuq unnii qatiqtuamiñ manigmiñ; umiallałhaaġniaġaatin kaviqsuamiñ manigmiñ. Isumattun akisułhaaqtuq piññaġnaqtuaniñ uyaġagniñ; sumun pigisukkaluaqtaġnun nalliummatiŋitchuq.

Piyumiñapayauraġuvich, aŋalalluatakkich ikayuaksrat.

Atanġum nuna savaŋagaa isumattunmigun; iḷisimmatimigun siḷa iḷiŋagaa.