Popular Bible Verses from Proverbs 16

Share

Apiqsruqługu Ataniq anniqsuqulugi sivunniuġutitin, aasii piḷḷuataġniaqtutin taŋiġupki.

Itqanaiyaġniaġaluaqtutin, aglaan God-im aullatiniaġaa sivuniksran.

Uqalulluatat ittut honey-tun— siiġñaaqtut suli ikayuutaurut timimun.

Iñuich sivunniuġugaluaqtut uumatiptigniñ, aglaan God-im uqalua kaŋiuruq.

Qiñuiññiq iluałhaaqtuq suaŋŋatiqpaqaġniġmiñ. Iluałhaaqtuq ilimun aŋalallaruni aŋalatchiñiġmiñ iniqpauruanik.

Kamanniraaġniq maqurrutauruq, suli arguaŋaaġniq suksraunġiutausuuruq.

Sunaliqaa piran iluaġnasugisuugiñ, aglaan Atanġum isivġiġuugai pisuutivut.

Kaŋiqsimmaġiksaakkich iḷisaurrusiatin, aasii piḷḷuatautiqaġniaqtutin; ukpiqqutiqaġiñ Ataniġmun aasii quviasuutiqaġniaqtutin.

Nakuułhaaqtuq mikiruamik akiññaktuni, akiññakpagniġmin saglutaġluni.

Apqun iluaġnasugigaluaqtan, aglaan tuqqunmun ittuq.

Uqautikłiġñiq siamitchuugaat piḷuktuat iñuich; piunġiutausuuruq suli avilaitqatigiich maqułługich.