Popular Bible Verses from Mark 10

Share

Qanuq Iġñiŋaunnii Iñuum qaiŋaruq kivgaqaġiaqsaŋaiqł̣uni. Ilaa qaiŋaruq kivgauyaqtuqłuni tuquyaqtuqłuniḷu tasuġukługich iñugiaktuat iñuich.

Jesus takunnaqługich uqallaŋaruq, Taamna piyumiñaitkaluaġaat iñuich, aglaan God-im piyumiñaġaa. God supayaanik piḷḷaruq.

Tavra Jesus uqallautiŋagaa, Aullaġiñ. Ukpiġurvich iłuaqsipkaġaatin. Tavra tavrauvvaa ilaa tautullasiŋaruq, aasii malikługu Jesus apqutitigun.

Taamna pisigilugu, iñuum avinŋaiḷḷiuŋ tuvaaqatini God-im atautchimuktinŋammatik.

Tavra Jesus qiñillaan piviuttaġivlugu, uqallautiŋagaa, Atausivsaamik piruksraurutin. Aullaġiñ, tunikkich supayaat pisin, aasii aitchuutigilugich maniich iḷiappauruanun, tavra piiḷḷiuġniaŋitchutin qiḷaŋmi. Aasii qaiḷutin, maliŋŋa.

Tavra Jesus apiġiŋagaa, Sutquvich uvamnun? Ayauŋaruam kiuŋagaa, Iḷisaurrii, tautullasisuktuŋa.

Aglaan tainna piñiaŋitchusi ilivsi. Kiñaliqaa kamanaġuktuaq akunnavsiññi, kivgauruksrauruq ilivsiññun.

Iḷumun uqallautigivsi. Kialiqaa ukpiġiŋitpagu God miqłiqtuuram ukpiqsrausiatun, isiġumiñaitchuq God-im atanniqsimavianun.

Aglaan qaunagisitchi. Iñugiaktuat paŋmapak salliuniataktuat qamalliġuurrauniaqtut. Suli iñugiaktuat paŋmapak qamalliuruat salliġuutiniaqtut.

Supayaat savaaguqqaaġmata, God savaŋaruq aŋunmiglu aġnamiglu. Taamna pisigivlugu aŋutim qimaguuniġik aapaniḷu, aakaniḷu, aasii nayuqsiutivlugu nuliani. Tavra iliŋik malġuuruak atautchisun iñuktun iḷiñiaqtuk. Tavraŋŋaaglaan malġuuŋaiqsuk, aglaan atausiŋŋuqtuk.