Popular Bible Verses from 2 Corinthians 9

Share

Aasii God-im aitchuġumiñaġaasi agliḷugich supayaat pigiraksraġikkasi, ilivsi piqaġumiñaqsiḷusi ataramik naamasiḷugich pigiraksraġikkasi sippiġḷugich unnii, aitchuiqpakkumiñaqsiḷusi supayaanun savaaġiksuanun.

Ilivsigullaa iñuich ilivsi aitchuisitchi sivunniutivsisun, pisuŋitkavsautigillaan piŋaiġḷusi, naagga piruksraupiaġasugalusi. God-im piviuttaġigaa iñuk quviasuutiqaqtuaq aitchuiñiġmik.

Nalunaigilugu una. Iñuk nautchirriiruaq iñugiapiaŋitchuanik nautchiaksranik katitchiñiaqtuq iñugiapiaŋitchuaniktauq nauruanik nautchiaksrat nauganikpata. Aasiivsauq iñuk nautchirriiruaq iñugiaktuanik nautchiaksranik katitchiñiaġmiuq iñugiaktuanik nautchianik.

God-im aitchuiñiŋatun nautchiaksranik iñuŋmun nautchirriiruamun, aasii taapkunaŋŋa punniġmik niqiksramik, tainnatun suli piqaqtinniaġaasi pigiraksraġiravsiññik, sippakuulaaġluguunii pigiraksraqsi, ilivsi nauttaaŋaiġḷusi aitchuiyumiñaqsiḷusi allanun, taavrumuunaasii agliḷaaġlugu nagliktuiḷḷatutilaaqsi. Piḷḷuataqtitauniaqtusi supayaami, aitchuiyumiñaqsiḷusi nauttaaŋaiġḷusi. Aasii qaitkuptigik aitchuutisi, iñuich quyyatiqaqtinniaġisi God-mun.

Quyyavigisiuŋ ilaan aitchuutiŋi pisigilugich, aliuġnaqpaił̣ł̣utiŋ uqalugianilgunaitchut.