Popular Bible Verses from 2 Corinthians 1

Share

Nanġaġlakput God, Aapaŋa Atanipta Jesus Christ, Aapauruaq nagliktauvluni suli qapiŋaisaaqłiiḷḷavluni. God-im qapiŋaisaaġuugaatigut iluqaiññi iłuiḷḷiuġutiptiŋni, uvaptiŋnulli qapiŋaisaaġumiñaquvlugich iñuich allat iłuiḷḷiuliqpata qanusipayaakun iłuiḷḷiuġutikun, tainnaptauq God-im qapiŋaisaaqłiisiatun uvaptiŋnik.

Qanutupayauraq iḷaŋiutikapta Christ nagliksaaġutigiŋakkaŋiñun, tainnatuttauq qanutupayauraq Christ qapiŋaisaaġuummigaatigut.

Tavraami, iḷumutun isumalipiaġaluaqtuŋa tuqquviksraġa tikiññasugalugu. Taavruma nalautaġma iḷisautigaaŋa nayummatigiraksraġiŋipiaqtilaamnik uvamnik, aglaan God-mun aŋipkairuamun tuquruanik.

God-im atausiŋŋuqataupkaŋagaatigut uvagullu ilivsiḷu Christ-mun, suli ilaaguaqłuta ilaan savaamiñun, nalunaiñŋutchiqł̣uta inmiñuksrivḷuta, Ilitqusiġiksuani iñuupkallasivḷugu uummatiptiŋni iḷisimatquvluta ilaanun pigitilaaptiŋnik.

Iłuiḷḷiuqtitaukapta tusaayugaaġiksuaq pisigivlugu, taamna qapiŋaisaaġutauruksrauruq ilivsiññun annaurrauniksravsiññullu. Suli God-im qapiŋaisaaġmatigut, qapiŋaisaaqtausuummiusi, qanuq iḷitchirusi uvaptiŋniñ qimmaksaliyairrutikun igḷutuġumiñaqsivḷugich iłuiḷḷiuġutit, iłuiḷḷiuqtitaukavsi uvaguttauq igḷutukkaptiŋnik.