Popular Bible Verses from 1 Corinthians 11

Share

Tainnatun suli ilaan tiguŋagaa qallugauraq wine-mik imalik nullautchianikamiŋ, uqallakłuni, Una wine qallugauramiittuaq ittuq uvaŋa auptun maqipkaqtauyumaaqtuatun, God nutauruakun sivunniuġurriyumiñaqsiḷugu iñuŋnik tuqqutipkun. Imiġuvsiuŋ piyumagiksi itqautigilugu uvamnun qanutun akulaisigilugu imiġaluaġuvsiuŋ. Tavra qanutun akulaisigilugu niġiguvsiuŋ punniq imiġlusiḷu qallugauramiñ, taavrumuuna maniuġiksi Atanġum tuqqutaa qaitqigñiŋanun aglaan.

Qanuq Atanġum salapqiŋagaa uvamnun iḷisaurrutigiŋakkaġa ilivsiññun una. Taivrumani unnuami aitchuutausaġviŋmiñi, Atanġum Jesus tiguŋagaa punniq, aasii quyyatigiqqaaqługu God-mun, ilaan avguŋagaa aasii uqallakłuni, Tavra taamna ittuq timiptun aitchuutigikkaptun tuqqutivlusi. Tainna pisiuŋ itqautigilugu uvamnun.

Taamna pisigilugu iñuk qanuqitilaaqqaaqtuksraupiaqtuq inmiñun, aasii niġiḷuni punniġmik imiġluniḷu qallugauramiñ. Qanuq kiñaliqaa niġiruaq imiqtuaġlu itqaumagiŋiḷḷaan sivuniŋa Atanġum tuqqutaata tatavsausiaksriuqtuq inmiñun.

Tainnainman taamna, kiñaliqaa niġiruaq punniġmik imiqtuaġlu Atanġum qallugauraŋaniñ nalliummatiŋitchuakun piḷġutchikun, pasirauyumiñaqtuq qutchiksuakun isumakkutigiŋiññiḷugu Atanġum tuqqutaa.

Piḷġusiqaġitchi uvaptun tuvraiñiaġmatun Christ-mik.