Popular Bible Verses from 1 Kolin 14

Share

Adipalati, Godye kokota batalipo telepo depame sosoka꞉lipo mellalo Godta pohalasema. Amasiyama ya꞉ye kokota woloma ka꞉depo telepo depame ka꞉depo dinapolalo Godta halapo. Mo hapuloma dla sos popa꞉mta dulu dla ela koko e dolumama wola꞉tapo wua꞉ta inoma sumale dulu dla yu dimi sadle mate popa꞉lowe ka꞉pi. Adipalati, Mosesta aiyalma hatitimale mape hatlo mepo atlapo.

Epedeme wua꞉ ya꞉mkale bokotiyapo malamolowe koko dolumaiya. Epame God tle yu hapame molo atlamolowe koko tlo halowedeme sikemte solotamha꞉ha꞉iya. Epame Sokota isikimi hapimhala koko opi halomolowe ma solotamale mate omha꞉ha꞉iya.

Amasiyama God tle yu hapame molo atlamalalo oplamitapo opata woloma ka꞉depo itiyamale mate ha꞉ha꞉lepo depame gadle yu mate opa dla atlamhalemdepo.

Epele dulu dla ulugiyemale yu mate yukamalalo oplamitapo isikimi ya꞉skamu gademdepo. Amasiyama God tle yu hapame molo atlalo oplamitapo ya꞉ta molo atlale koko mate mikadepe dle so hapulomaye gademdepo.

Epapedeme ipapele koko mape wua꞉ dulu dla me-elapo. Epapele dulu dla wua꞉ Sokota hapili kokoye sikemte solotamha꞉ha꞉po. Epapedeme wua꞉ asiyama sosta ta꞉lepo depame Sokota hapili kokoye sikemte totamha꞉ha꞉iya.