Popular Bible Verses from James 5

Share

Itomane ae dumbae ari awa karigedo mina tara ewo, edo imomane embo benunu mina tara ewo. Ango awo gido, God mi kaviegari itomane yai piari bave. Embo wasiri dambu dararida atega ari God da yai awa goroba jiwaede, edo ami buro edo eira.

Embo da ainmi itomane doda memesi bouga bureirita? Embo ami God da yai benunu tarate tena. Embo da ainmi itomane doda dubodave edo eirita? Embo ami yami God dasiga arate tena.

Edo awamane da gebé ari God da yai pipiteite benunu taro gido, karu embo awa kaviegaina. Edo Badari mi embo awa gao aina. Edo embo ami jimbo beyae edo esira awa gido, God mi ainda jimbo kotembedo dowaina.

Embo da ainmi itomane doda karu edo eirita? Embo ami Iesu da embomaida gisijijiegari awa dao tari imo embo benunu tain gumborote tena. Ango edo awamanemi gundo ni olive be da gamami ainda yai datedo Badari da daoda imo embo benunu torote tena.

eiwa garate tena! Embo ainmi embo jimbode kondade ari ainda wasiri bebegae dodo God da yai wareregaina awa, ami embo awa ainda betarida edo toregaina, edo God mi ainda jimbo bebegae jiwae awa kotembedo dowaina.