Popular Bible Verses from 1 Peter 3

Share

Ata itomane doda Badari God tou ewo. Edo iji matawa embo berari ainmi imondemane ro awaembo itomane tumonda ari God da yai piedo evi awa gain siari gido, itomane ge mina matu siya ari awa ainde netegaride edo tou aridemi tewo gare. Itomane dokotembari dave awa sima edo ewo. Edo ango eiawo, iji ainde embo neneimi imomane awa bebegae ari embomai tara, aindabé imomane awa Keriso da embomai edo iwata dave edo ewa, awamanemi mengari bara.

Aindabé BADARI mi embomai wasiri dambu darari awa sima dave edo eira, edo awamaneda benunu tari awa ingido eira; ata BADARI mi embomai wasiri bebegae edo era awa gido dubodave ae edo eira.”

Edo itomane giro ari arapada—kopuru tu pundari ta, rorae gold piari ta, ombarijiari ganu bajina piedo bari ta—awa akuta kotemainyae. Ata rorae davebé dave, ainda duroka mana manaina, ami itomane do giropagiro ewo. Edo rorae ango deposibé God da jisida awa kotembari netegaride edo damodamode.

Gebé, “ Embo ainmi wasiri davebé bain jipapa edo eira, edo deguta dave iji berari gain edo eira awa, ainda iwawa sima eite ge bebegae tainyae, edo ainda bemi ge pitawa tainyae. Embo awa wasiri bebegae ari awa dodo wasiri dave edo are; edo imo embomai neneide bégade itain jipapa are, edo béga awaembo buro okain matawa edo are.

Edo ge einda beao ari awa eire. Imomane berari kotembari dá ango budo ewo, edo itomane dubo vevera mina bara edo ewo. Nanonameji ango dubobudo ewo, edo do memesi mina bara edo ewo, edo atoto mina ara edo ewo. Edo embomi wasiri beyae itomane yai aro gido, mina beyae ainyae. Ko embomi ge bebegae itomane daoda taro gido, mina ge bebegaemi tainyae. Ata God da yai benunu tedo ewo, ami awamaneda yai ao ari piare. Aindabé God imomane dao sisina awa, buro ango awa awo ainda ao ari itomane yai piari bawa.

Edo imomane buro dave awa, embo ainmi itomane yai memesi piaini?

Embo awa wasiri bebegae ari awa dodo wasiri dave edo are; edo imo embomai neneide bégade itain jipapa are, edo béga awaembo buro okain matawa edo are.

Iji nenei God da jipapa awa imomane memesi bawa. Awatedo edo imomane buro dave eowo embomi itomane yai memesi piedo era, awa itomane dave. Awarata edo imomane buro beyae edo ewa gido, embomi itomane yai memesi piedo era, awa itomane buriya akuta.