Popular Bible Verses from Rai-haha Rupa Hiu 22

Share

Jaꞌa ne, Alpa toke Omega. Jaꞌa ne, A toke Z. Aaꞌi-aaꞌi jꞌajꞌajꞌi ra nèti Jaꞌa, karèi nèti uru, toke dꞌai èle.

Èle èèna ka, Yesus lii hari, aku Nèngu na, “Sanèdꞌe paie! Te nèbhu heka, Jaꞌa dhiu. Pe Jaꞌa bꞌala hia dhèu aaꞌi-aaꞌi, madhutu ngaa dhu ra adꞌu-ue.

Roh Ama Lamatua mai paroa, peka na, “Mai asa neꞌe!” Bhèni dhu neo kabꞌi paroa kahèi, peka na, “Mai ka!” Aaꞌi-aaꞌi dhu tadèngi peka kahèi, “Mai ka!” Dhèu cee dhu koko-kamango, mai ho minu! Dhèu cee dhu neo ninu èi dhu nèti mamuri, mai mere ka! Dhèu bisa rare èi ne dhu iia-iia dꞌara. Dhèu bisa rinu èi ne dhu bꞌae boe.”

Dhèu dhu rase pamèu le mèdha-papake ra, rèngu ka dhu oto. Te rèngu ka abhu hak ho maso re babèdho kapai dhu laꞌe asa dꞌara kota ne. Dhèu dhu mamuri mola, rèngu ka dhu oto. Te bèli-camèdꞌa rèngu abhu ijin ho raꞌa hua dhu hia dhèu mamuri taa-taa.

Hèia Yesus padhai lii, peka na, “Sanèdꞌe paie-iie! Nèbhu heka, te Jaꞌa neo mai. Ètu dꞌara sasuri ne, dhu suri aaꞌi mèu-mèu le, ngaa dhu bèli-camèdꞌa jꞌajꞌi. Dhèu aaꞌi-aaꞌi dhu madhutu isi sasuri ne, pe rèngu abhu aꞌoto.”

Mèda abhu boe ètu kota neꞌe. De dhèu unu Lamatua parluu boe madha lodꞌo, do labhu, lula Ama Lamatua ka dhu pasaraa kota ne. Bèli-camèdꞌa rèngu sama-sama rèdꞌu paredha toke dꞌai mia-mia laꞌe.

Yesus mesa Na ka dhu bhoke jꞌara aaꞌi-aaꞌi sèra. Na moa le, peka na, “Tareꞌa-reꞌa sèmi èèna! Nèbhu heka, Jaꞌa neo dhiu.” De mai ka, Lamatua Yesus! Jaꞌa manèngi sèna ka Lamatua Yesus padꞌelo dꞌara hua iia Na mi dhèu unu Na aaꞌi-aaꞌi. Lèke tareꞌa sèmi èèna! Amin! Nèti jaꞌa, Yohanis

Jaꞌa, Yohanis, pasanèdꞌe dhèu aaꞌi-aaꞌi dhu èèna na tadèngi ngaa dhu Ama Lamatua bhoke mema hia jaꞌa ètu dꞌara sasuri ne: ladhe abhu dhèu dhu patabha hari ngaa-ngaa ètu dꞌara sasuri ne, èèna na Ama Lamatua pabie hari hahuku Na mi nèngu dènge pidhu calaka sèra dhu Na dutu mai asa rai-haha. Aa ladhe abhu dhu pakura hari isi sasuri ne, pe Ama Lamatua tao eele hak nèngu, sèna ka bisa boe maso asa dꞌara kota dhu mola-mèci, aa bisa boe naꞌa hua ajꞌu dhu hia dhèu mamuri taa-taa.