Popular Bible Verses from Leta po Ibrupipol 8

Share

Ai go pogib ol sin blo dempla wea dempla i bin mekem. Ane ai nogo sabe dem sin blo dempla nomo.’

Da AntapGod i bin spik: Diswan gobi niu strong griment wea ai go mekem wea dem pipol blo Izrael, apta dat dei de i go kam. Ai go pute dem tising blo mi lo sens blo dempla, so dempla go sabe. Ane ai go raitem lo at blo dempla so dempla go meke demting. Ai gobi God blo dempla ane dempla i gobi pipol blo mi.

Ane dempla nogo nid po tise dem neiba o dempla oun pamle, ane spik diskain, “Wa. Yupla mas sabe uda da AntapGod.” Ebriwan, prom big tu smol ol sabe uda mi, God.

Bat God i bin paine polt wea ol pipol blo em, ane em bin spik diskain: ‘Da taim i go kam, da AntapGod i spik, wen ai go meke niu strong griment, ane i gobi wea pipol blo Izrael ane pipol blo Zuda.

Diswan ya wanem mipla i min. Yumpla i gad Bosprist uda i sidaun wea aiples blo ona lo raitansaid blo da spesil tron blo God de lo eben.