Popular Bible Verses from San Marcos 14

Share

Lndeꞌe ndab Jesús ndoꞌ Dios: —Tad Xus naꞌ, leꞌa go itea taꞌa sun gan. Lá nlad naꞌ itiꞌid naꞌ ndoꞌ be gealkweaꞌ uzheꞌeb ndee. Parea lá gak‑a lak nlad naꞌ, ndi gak‑a lak nlad go.

Utenaꞌ bega no bidiꞌizhno bega Dios, ndontsa naꞌanpa utsabgix maxuꞌu bega. Leꞌa ladoꞌo bega nlad gun ta wen, ná leꞌa idub bega lá uxik.

Leꞌa naꞌ gáp ndoꞌ bega guniꞌi pa ndoꞌ gizhliyo gudiꞌizh be men diꞌizh wen ten Dios, no ta mbin xagots ndee gudiꞌizh bexa, ndontsa iniꞌí be men ta wen mbin xa.

Cha ndab xa ndoꞌ yon bexa wa: —Uzhebpa uban ncho lad naꞌ gast ngi sat naꞌ. Ndeꞌetsa utenaꞌ bega.

Leꞌa gor na li ndeyaw bexa, leꞌa Jesús cha usen dub pan, cha msaꞌa xa xno ndoꞌ Dios. Cha uleꞌa xa‑yá, no mtseꞌa xa‑yá ndoꞌ be xmen xa, ndab xa: —Udaw bega pan ndee, leꞌa‑yá beꞌal las naꞌ.

Cha liga usen Jesús dub vas ncho vin, cha msaꞌa xa xno ndoꞌ Dios. Weꞌe cha msaꞌa xa‑yá ndoꞌ bexa, cha ngu itea bexa‑yá. Cha ndab Jesús: —Leꞌa ta ndee ten ten naꞌ usa naꞌ por bego. Leꞌa ta ndee nluu leꞌa nat leꞌa Dios mbinno be men dub trat kub ná xteꞌe wen yaꞌan bexa ndoꞌ Dios.

Weꞌe leꞌa Jesús cha ndab ndoꞌ bexa: —Leꞌa iteanak bego ulaꞌa naꞌ teꞌal ndee, lak nkeaniꞌi diꞌizh ten Dios, ndab‑a: “Leꞌa naꞌ gut xa nlaꞌach be borreg, cha iteꞌachso bema.”

Goste bega, nchaꞌbe beuna. Bwiꞌi bega leꞌa xa yun cuent naꞌ yá nseala baꞌ.

Leꞌa Jesús cha ndab ndoꞌ Pedr: —Leꞌa naꞌ gáp ndoꞌ lu, leꞌa teꞌal ndee gor biseata kwezh boy top biaj, leꞌa lu mkwiꞌinla chon biaj ndab lu leꞌa lu lá nchandoꞌ naꞌ.