Popular Bible Verses from 2 Korin 1

Share

Dalar atong aleklek pas e God a Taman a Leklek anundala e Iesu Karisito, pa a Tamandala otleng, ning a tena marmaris, pa a kamkama ngas a armoro rop. I sira amoro mila ana mamahatla rop ning mila kilangi, sur mila otleng milar amoro a tarai ning la kilang a mamahatla, ana armoro ning e God i saran tari tetek mila.

A tnan kankan ning e Karisito ka kilang tari, i pulpulas o mila pa mila otleng mila kilangi. Larkaotleng ning, o e Karisito, a amoro ane God i pulpulas o mila.

A momolna, mila nuki mang mila kar mat. A utna ne i hanot sur gong mila tortorot ana rakrakaimila ot, milar tortorot ka o e God, esaning i sira akamtur a minatla.

E God ka, i atur rakrakai mila, pa mulo otleng o e Karisito. I aslang pas dala sur dala anuna taraila ot, i suah tar anuna akinalang ondala sur ir talapor mang dala anunai ot. Pa i akes a Inguna te na balandala arlar ana akinalang ning i asangani mang lamur dalar kibas a ututnala ning e God ka sang tari sur dala.

Mila kilang a mamahatla, sur mulor los a harnangai ono, pa sur dir alaun mulo. Pa ning e God ir amoro mila, mulo otleng mulor kilangi, pa ir arakrakai mulo sur mulor tur rakrakai ana ngas a kankanla ne mila kilangi.