Popular Bible Verses from 1 Timoti 3

Share

Dala tasman momoli mang, a asasaer ning dala tortorot onoi i itna kol. I mange: E Karisito i hanot a barsan, a Talngan Tabu i apuasa i mang e Karisito i tostos na mata e God, a angelola la oroi, di atatai onoi pa a warwara ne i han sarara tetek a taraila miting na matanitu rop, pa a galis te na rakrakan hanua la tortorot onoi, i han kas pa i kes ana matatar.

Pa ning tik i mang sur ir ningnigo ana lotu i wakak sur a ginina ir manglarne: gong ta ararup i kes onoi, ir taulai ka takai a hane, ir tai alar anuna lalaun, ir tai alar anuna nemnemla, i a ngas a barsan ning a taraila la hanrawai i, ir sira gas pas a taraila uting na nuna rumai, pa i a wakak a tena asaer.

I a wakak a ningnigo ana keskes anun latamana, pa ir asaer na natnatnala sur lar hanrawai i pa lar longor teteki.

A tena harnangai ting na lotu ir taulai ka takai hane, pa ir nigon wakak na natnatnala, pa la rop ting na nuna rumai. La ning la titol wakak ana titol na tena harnangai ting na lotu, lar kibas a hanrawai anuna tarai tetek la. Pa lar warwara talapor ana nunla tortorot o e Karisito Iesu pa bel lar matmataut.