Popular Bible Verses from Rɔmnda 1

Share

Siɛmbula co ya le vannda Yoongu kɛndɔɔ tiiyallo le, kani kpaaya Hala ciindiaa vannda-o co kon ni, kandɔɔ a Yuifia kɔ bii niko a vanaa co N'Yuifi le-a.

Kani Yoongu kɛndɛ kon cɔm maa Hala siinguu vanndacieea vanaa sandaa le laalanndo. Nduyɛ laalan kon tiw. Maa mɛɛ o sɛvan yɛ aa: «Vana sandaa vanin yoomu le laalan ndɔɔ.»

Bau kabi Hala cɔw ceendo, kpaaya ndɔ lɔ́ɔ́-lɔ́ɔ̀-o a halayɛi ndɔɛi vana ci lei cɔmnun kpendekele o dɛnnda ndɔlan nin le mɛɛ vannda bii lan bila yɛ. Lelan vanndacieea nɔ lɛ mɛɛ dimia le.

Kani ndáà síná Hala tɛ́ɛ́, kɛ a ke ndu biilu bɛnda le ndu Hala-o le, a mel ndu balika le. Mí yiyannda ndalan la luei nda o laasianndo nin, mí kɔlta ndala idiɔmndan la luei nda o ɲumndan nin.

A cii còòlan mingi o fonda toɲa Hala-o, má va ɲɛm Hala cɔw-von biiloo a mun baalaa tosallo yɔŋii nda biilu Hala cɔw ɲɔɔn kpow-vo, o biiloo co le ndu le fɛɛn a fɛɛn-ndo pɛɛn. Amiina!

Kɔltuw Hala-o cɔmnun ceen fulaa o halataala le dɛnnda vɔɔnndan kpow a le dɛnɛ sandaa lepɛŋ vanndacieea co tosaa-o. A co toɲaa vionɔɔ a dɛnnda vɔɔnnda nda co tosaa lan.

Lelan Hala mal nda ni, má del yeemɛi vɔɔŋii tuisi nda siɛmbulan-nde kɔɔli, kani laandua ndaa co lɛ kpelemɔɔsaa tosa mɛɛ vanndacieea bɛnda le tosaa yɛ le. Lende koni vanpiaandua bɛɛ a co tosaa ni, a co lɛ kpelemɔɔsaa tosa a vanalanɔ le. Le kpelemɔɔsaa tosaa nda pila vanpiaandua vellaa-velle yeemɛi co nin nda heelanndo ni. Vanpiaandua co dɛnnda lasiɛmbulan tosaa a vanpiaandua celen, mì nda pila va sala laasian ndaa sɔlaa. Le tùú nda kɛɛ le Hala sinaa-o, mó mal nda a kɔlkalu nda laasi-laasio, má luɛi dɛnnda vana bɛnda le tosa le lan tosaa.

Nda pila va sangalanndo maa a kendu lakɔl, kɛ a siŋnun diɔmnda. Má mangala biilu Hala tembu loo a tuuliaala ɲɛm tambu-on: tuuliaala vanndacieea, la yowva, la visia pelun hiɔɔlua a la visia sasun lɛŋ o kɔlan-nda.