Popular Bible Verses from Marke 13

Share

Vannda kpow a kɛɛnin niaa le diola nilan, kɛ vana lonin biuvɔnndo háá o mɛɛlulan-ndo, ndu sɔlanin cindaa.

Lelan la caa dɛ! La va o lapɔɛyɔn nin te. Kani la sina paale ken tosannin-nden te.

Telen nda kɔanin a niaa o cɛila kialaa n'yamalan nin-ndo, la buulan le ɲɛ niaa kɔ diminin-ndo le, kɛ la diminin ɲɛ Hala Kɔl-Diandaa cɔmnin niaa-o, o co niaa pila le soaanin te.

Halataalaa a lɛŋnden le hiawnin, kɛ sɔɔn nun hiwnin te.»

«Le paale len a le telen kon, vana-vana sina le, hali mɛlɛkaa co o halataala-a, hali Poo, fɔ Fuɲa nuu ndu pilɛ kpé.

Tuma niaa tuɛinin sɔɔn cɔwvon a ɲiimu-ɲiimu lacɔwvo-o, la láásiàn kɔltan te. Kani fɔ mì ken tosan, kɛ o ve vɔnin lamɛɛlu le la vanin ndan te.

Lelan la mɛɛndian, kani la sina telen vana cɛiyo hunnin-ndo le, ko icɔllo ni, ko a di-tɛɛndo ni, ko telen sɔɔ koova-o ni, ko idiiyo ni, yɔŋii o hun telen niaa venin kɔl too, mò komal niaa o lɔan. I ya co niaa hee dimullo-e, ndi koni ya co vannda kpow dimullo ni: La va o lapɔɛyɔn nin a niaa pila le.»

Vanaa-mangalaa-isɔɔa cannin vanaa-mangalaa-isɔɔa celen cɔlɔba, mì masalen le cɛn masale celen cɔlɔba. Lɛŋnden le ɲiiyanin o fondalan lapum, mì yima fofolan ma luɛi o fondalan lapum. Kon kpow vanin-ndɔ ko mɛɛ pulii vialɛi kandu vanalanɔɔ nɛiyo nuaa yɛ.

Fɔ mì Yoongu Kɛndɛ Hala-o tiiyalan fɔlɔn vanaa-mangalaa-isɔɔa súúlan kpow.

Vanaa bɔɔ-bɔɔ a hunnin o diola nilan, mà dimi aa: ‹Ya co ndu ni›. À lueinin vannda taw o pɔwlan nin.

La caa le niaa pila. A kɔanin a niaa o fondala kialaa n'yamalan, mà lɔɔ niaa o cɛila lekaanndan nin. A kɔanin a niaa o masaa n'bungaa lo a o masaa bɛndua lo le ya, mì la kɔ soli seilen nda o hɔl.

Kani kristaa lacòòvaa a vanaa-tɛɛngaa-diom Hala-a lacòòvaa cannin, mà tosa dɛnnda kɔndɔfilta bɛndulan a kaamaalan, le vanaa sɔla hɛlio-a lueiyo o pɔwlan nin, taa tiw pɛ ba.

«O palɛi ken nin, sanga bɛndu kon hiow pɛ, paalen le piimiaanin, paangei dindunin te, loeon fulanin coocoo mì n deli, mì kpaayala co halataala lan la hiilun.