Popular Bible Verses from Matie 19

Share

Mí Yeesu tofa nda, mó dimul nda aa: «Vanndacieea nɔla ken tosa le, kɛ Hala ndu nɔla dɛnndan kpow tosaa.»

O kon, a ve lɛnin vanaa ŋiɔn te, kɛ a siŋnun vanndo ndu pilɛ. Lelan, vanacieo bɛnda mò sɛi ɲɛ Hala mɔɔsa-o le.»

Mó muli aa: «Vɛ̀ɛ̀ la ci o sɛvaa maa vanapɔnɔɔ nda vanalanɔɔ le Vana cɔw ɲɔɔn-ndo ndóò cɔw o tasendɔ le? Mɛɛ o cɔw nda, mó dimi aa: ‹Lelan, vanapɔnɔɔ faŋannin fuɲa ndɔ a kala ndɔ ni, mò holnun laa ndɔ, mà siŋnun dialii pilɛi nda ŋiɔn›.

Mí Yeesu dimi aa: «La mal cuaambɔa pɔmbɔa hunɔɔ o ya lo, la kuuna nda le. Kani le vanaa co maa nda-a masale halataala len le co ni.»

Vanaa tasea bɔɔ-bɔɔ a siŋnunnin vanaa mɛɛlaa, mì vanaa mɛɛlaa bɔɔ-bɔɔ a siŋnun vanaa tasea.»

Nduyɛ vana-vana mɛi pɛ cɛila ndɔlan, puapilɛa ndɔa, yemaa ndɔa, fuɲa ndɔ, kala ndɔ, laa ndɔ, cuavaa ndɔa, te kon te yondola ndɔlan le diola nilan, ndu sɔlanin o hiow kon polon-ndo. O kon kɔɔli, o sɔlanin yoomu fɛɛn-fɛɛndo.

Mí Yeesu mulul ndu aa: «Taa yeema pɛ ma peelun, mɛɛ kɔ pisi ɲɛm n nɔ-on, ma piɔw vanaa bala fondoa, o kon ma sɔla bolofaa o halataala. O kon kɔɔli, a hin, a del-la kɔɔli.»

Mí Yeesu mulul ndu aa: «Le yɛɛ n co yɛ ya ɲunaa a dɛnɛ kɛndɔɔ o kɔɔ? Ɲɔɔ ndu pilɛ kpé naŋ ni. Taa yeema pɛ le cindaa sɔlaa, mɛɛ bii tɔŋndan.» Mí langbanɔɔ ɲuna ndu aa

Mì cɔɔlu niaa ndi dimul, ɲɔɔmɛɔ keiyo o tɛɛngii lesiɛndɛi nin hiow va bɛɛn-bɛɛn a vana bolofaa luɛyɔɔ o masale Hala len nin.»

Kɛ i co niaa dimul, vana-vana kɛɛ pɛ laa ndɔ, te o co yɛ le dɛnɛ suundɛi vanalanɔ kon te, mò cua lanɔ celen, mɛɛ vana kon ndu suunda.»

Mí Yeesu dimul kaandeŋaa ndɔa aa: «Mì dimul niaa toɲaa, o kendu le vana bolofaa luɛyɔɔ o masale halataala len nin dɛ!