Popular Bible Verses from Kalatea 5

Share

Kɛ kulii Kɔl-Diandaa koam-nde co kaolaa, ɲaaloo, kɔlɲuloo, biuvɔnndo, vanakɛndɛyɛi, kɛndɛi, lou o diomnden coo, vili kɛndɔɔ a kɔllo biyɔɔ ni. Tɔŋndo co dɛnnda vaa lende cɔlɔbaa le.

I ya co niaa dimul-le co hee ni: la màl Kɔl-Diandaa niaa simndan laci o ceen niaa nin, o kon la tosà lɛnin yeemɛi n'faluei le.

Te n co pɛ yoomu o Kɔl-Diandaa nin, mɛɛ n kelan mɛɛ Kɔl-Diandaa yeema yɛ.

Vanaa co o Yeesu Krista nin-nda, nda cii dɛnnda n'falulan a yeemɛi n'faluei baŋɔɔ o yɔm singafilaa coo.

Nduyɛ dɛnnda n'falulan la co kpendekele: suundaa, dɛnnda nɔɔlɛilan, ilaasi-laasiei, piɔmnda sooloo, mangalaa, nɛyɔnndo, diomnda biinannda lepɛŋndan, paŋalaa, yolɛi, siinganndo, piɔvianndan, kundala sɛɛngianndan kilaa, yeemɛi bɛnduei, mɔiyan yɔngɔnndo, pululen a dɛnnda vaa lende. Vanaa co dɛnndan ndan tosaa-a, i co niaa ndi pɔɔ dimul maa mɛɛ ya dimúl nin niaa ndi yɛ, nda sɔlanin kɛ o masale Hala len nin te few.

Puapilɛa nia, le hɔ́ɔ́yɛi niaa sɔla veeloo ni. Kɛ nduyɛ, la siinguu hɔ́ɔ́yɛi ken fɛɛlɔɔ le luɛyɔɔ dɛnnda n'falulan tosaa le, kɛ la tosalan baalaa vellaa-velle a kaolianndo.

Kani dɛnnda falon yeema lan la kue latulu a la Kɔllo yeema lan te. La Kɔllo ndu yeema vɛlɛ lan la bɛnda a la n'falulan te. Vanaa ŋiɔŋaa kan a cɛlan te, lelan la tosà hɛnan niaa pila-o le.

Kani tɔŋndo kpede peelun o sɔɛi he ndii pilɛ kpé nin aa: «Kaola caanda maa nɔm pila.»

N vannun vanaa yonga le naa pila tiiŋuanndo te kon te tɔ́ɔ́yanndan biinanndo vellaa-velle le.

Le hɔ́ɔ́yɛi Krista mingi naa hɔ́ɔ́a ni. Lelan la sim yili, la luei lɛ bollen o cɛlen nin te.